देशसेवा

एक दिवस अचानक एका शाळेतील मित्राचा फोन आला. थोडंसं इकडचं तिकडचं बोलणं झालं. करोनाच्या वाढत्या प्रमाणावर बोलत असताना तो गावाकडील परिस्थिती बद्दल बोलत होता. तेव्हा त्याच्या कडून डॉ. विक्रम चौव्हान यांच्या बद्दल माहिती समजली.

या परिस्थितीचा फायदा घेऊन गरिबांना लुबाडणाऱ्या कित्येक बातम्या बाहेर येतात. अन् एकीकडे डॉ. विक्रम यांच्या सारखे स्वार्थ विना काम करताना दिसतात. हे सगळ्यांना माहिती झालं पाहिजे म्हणून च आजचा हा लेखनप्रपंच आहे.

डॉ. विक्रम बबन चौव्हान हे अहमदनगर जिल्ह्यातील नेवासा तालुक्यातील अमळनेर सारख्या छोट्या गावात आपल्या ओपीडी द्वारे काम करतात. त्यांनी BHMS मधून आपलं शिक्षण पूर्ण केले आहे.

या वाढत्या करोना रुग्णसंख्येमुळे आणि मिडीयातील काही बातम्या मुळे काहींच्या मनात भितीचे वातावरण निर्माण झाले आहे. बहुतेक जणांना ची आर्थिक परिस्थिती चांगलीच ढासळी आहे. त्यामुळे त्यांना मानसिक आणि आर्थिक साहाय्याची आवश्यकता आहे. आणि हेच डॉ. विक्रम करत आहे. रात्री अपरात्री कुणाचाही फोन आला तरी लगेच सेवेसाठी तत्पर असतात आणि कमी खर्चात उपचार देतात, तसेच करोनाबाधित रुग्णांसाठी पैशाची अडचण आली म्हणून कोणी आडू नये म्हणून काहींना कमी खर्चात किंवा पैसे न घेता उपचार देत आहेत.

देशसेवा कशाला म्हणायची हा प्रश्न खुप जणांना कायम पडतो. लहानपणी शाळेत शिकल्याप्रमाने एखाद्या लढाई मध्ये भाग घेण किंवा देशाच्या. स्वातंत्र्य साठी लढणं… म्हणजे देशसेवा आहे. पण सध्या परिस्थिती बद्दली आहे. ब्रिटिशांच्या तावडीतून नाही तर करोना च्या तावडीतून देशाची सुटका करण्याची जास्त गरजेचे आहे आणि यासाठी प्रयत्न करणे म्हणजेच देशसेवा होईल. आपली स्वतःची अन् आपल्या कुटुंबातील सर्व सदस्यांची काळजी घेतली अन् सगळे नियम पाळले तरी देशसेवा होईल. निगिटिव्ह बाजूपेक्षा योग्य बाजु दाखवून लोकांच्या मनातील भिती कमी करुन करोना विरोधात लढण्यासाठी मानसिक आधार देणं म्हणजे देशसेवा होईल.

चला तर छोट्या छोट्या गोष्टी तून अन् आपल्या पासून देशसेवा करुयात. सगळेजण सगळे नियम पाळुन या लढाईत आपलं पण योगदान देऊ.

परिस्थिती बद्दल